ایل پی جی دی قیمت وچ کمی، گھریلو سلنڈر 24روپے سستا

اسلام آباد: پٹرولیم مصنوعات دے بعد ایل پی جی دی قیمت وچ وی کمی کر دتی گئی، گھریلو سلنڈر 24روپے سستا کیتا گیا۔

تفصیلات دے مطابق دیس بھر وچ پٹرولیم مصنوعات دی قیمتاں وچ کمی دے بعد اوگرا نے عوام لئی ایل پی جی دی قیمت وچ کمی کر دتی اے، گیس سلنڈر 24روپے سستا کر دتا اے، جہدے بعد گھریلو سلنڈر دی نویں قیمت 1298روپے ہو گئی اے۔

اوگرا ولوں ایل پی جی دی قیمت وچ کمی دا نوٹیفکیشن جاری کر دتا گیا اے، نوٹیفکیشن وچ آکھیا گیا اے ایل پی جی دی قیمت وچ کمی جون لئی اے جد کہ مئی دے مہینے وچ گھریلو سلنڈر 1322روپے سی۔