وزیراعلیٰ پنجاب دا مارکیٹاں وچ ایس او پیز تے سختی نال عملدرآمد دا حکم
لہور:وزیراعلیٰ پنجاب عثمان بزدار نے کورونا وائرس پھیلن دے خطریاں دے پیش نظر مارکیٹاں تے بازاراں وچ ایس او پیز تے سختی نال عملدرآمد دا حکم دتا اے۔
اوہناں نے ہدایات جاری کیتیاں کہ ایس او پیز تے عملدرآمد دی موثر مانیٹرنگ کیتی جاوے کیوں جے کورونا وباءدا پھیلائو روکن لئی ایہ اقدام بے حد ضروری اے۔
عثمان بزدار نے عوام توں اک واری فیر اپیل کردیاں آکھیا اوہ حکومتی ہدایات تے من و عن عمل کرن۔ اپنے تے اپنے پیاریاں دی حفاظت لئی ایس او پیز تے عملدرآمد شہریاں دے مفاد وچ اے۔
وزیراعلیٰ پنجاب آکھیا روزگار جاری رکھنا وی ضروری اے تے ایس او پیز تے عملدرآمد وی، سب نوں احتیاط تے ذمہ داری دا مظاہرہ کرنا ہووے گا۔ تاجر برادری وی جاری کیتی ہدایات تے عمل کرے۔ اوہناں دا کہنا سی سرکار عوام نوں ریلیف دین دے نال نال علاج و معالجے لئی اقدامات تے کاربند اے۔
سماجی فاصلے قائم رکھن دی پالیسی تے عملدرآمد کرن وچ ای تحفظ تے حفاظت اے۔
