190 ملین پانڈ، توشہ خانہ کیس: بشری بی بی دی ضمانت وچ توسیع
اسلام آباد( پنجابی میڈیا گروپ)190ملین پانڈ سکینڈل تے توشہ خانہ کیس وچ بشری بی بی دی عبوری ضمانت وچ توسیع کر دتی گئی۔اسلام آباد دی احتساب عدالت وچ سابق خاتون اول بشری بی بی خلاف 190 ملین پانڈ سکینڈل تے توشہ خانہ کیس دی سماعت ہوئی، بشری بی بی ولوں کوئی وی وکیل عدالت پیش نہ ہویا۔کیس دی سماعت احتساب عدالت دے جج محمد بشیر نے کیتی، نیب ولوں سپیشل پراسیکیوٹر عرفان بھولا تے سہیل عارف، تفتیشی افسر میاں عمر تے محسن ہارون عدالت پیش ہوئے۔دوران سماعت جج نے نیب پراسیکیوٹر توں استفسار کیتا کہ کیتھے نیں بشری بی بی دے وکیل؟ جس اُتے نیب پراسیکیوٹر نے جواب دتا کہ معلوم نہیں، ایس کیس وچ سردار لطیف کھوسہ وکیل نیں۔احتساب عدالت دے جج محمد بشیر نے ریمارکس د تے کہ کوئی آیا نہیں اے تے سماعت فیر جمعہ نوں رکھ لین، بعد وچ عدالت نے بشری بی بی دی ضمانت وچ توسیع کردیاں ہویاں کیس دی سماعت 17 نومبر تک ملتوی کر دتی۔
