سپریم کورٹ وچ سینٹورس مال کیس دی سنوائی، میئر اسلام آباد دی سخت سرزنش

اسلام آباد: سپریم کورٹ وچ سینٹورس مال کیس دی سماعت دے دوران میئر اسلام آباد دی سخت سرسزنش کیتی گئی۔

عدالت نے آکھیا میئر صاحب! تسیں اپنی پوزیشن ساڈے ساہمنے آپ خراب کر رہے او، تسیں سنجیدہ بندے نہیں لگ رہے، ہن تک تہانوں اٹھارہ ارب روپے مل چکے پر اسلام آباد وچ ہر پاسے گند پیا ہویا اے۔

کیس دی سماعت دے دوران میئر اسلام آباد شیخ انصر عزیز نے موقف اختیار کیتا کہ بیورو کریسی اسلام آباد وچ انتخابات نہیں چاہندی سی، ایسے وجہ توں کم نہیں کرن دتا جا رہیا۔

سیکرٹری داخلہ نے عدالت نوں دسیا ہن تک اٹھارہ ارب روپے میونسپل کارپوریشن اسلام آباد نوں دے چکے آں۔ عدالت نے میئر اسلام آباد شیخ انصر عزیز دے اختیارات دا جائزہ لین لئی کمیٹی تشکیل دیندیاں ایہنوں اک مہینے دی مہلت دے دتی۔