مولا نے چاہیا تے راولپنڈی وچ قلم دوات دی کامیابی تریخی ہوئے گی،شیخ رشید

راولپنڈی(پنجابی میڈیاگروپ)عوامی مسلم لیگ دے سربراہ تے سابق وفاقی وزیرشیخ رشید احمد نے آکھیا اے کہ میرے مولا نے چاہیا تے راولپنڈی وچ قلم دوات دی کامیابی تریخی ہوئے گی۔سماجی رابطے دی ویب سائٹ اُتے جاری بیان وچ اونہاںنے آکھیا کہ میں اپنیاں ماواں، بہناں، علما تے راولپنڈی دے بزرگاں دا شکرگزارہاں کہ سازش تیار کیتی گئی سی کہ حلقہ این اے 56، این اے 57 وچ مینوں نااہل قراردے دتا جائے۔اونہاں نے آکھیا کہ اوہ مرزا وقاص رؤف دی درخواست جسٹس نے بری طرح نکام کر کے ردی دی ٹوکری وچ سُٹ دتی اے، تے ایہ طے پایا اے کہ شیخ رشید حلقہ 56 تے 57 وچ لڑن دا اہل اے۔