عمران خان دیاں تقریراں نشر کرن اُتے کوئی پابندی نہیں،پیمرا

لہور(پنجابی میڈیاگروپ)لہور ہائی کورٹ نے عمران خان دیاں تقریراں روکن دے الزام اُتے پیمرا نوں ٹی وی چینلاں نوں پریشرائزڈ نہ کرن دا حکم دتا جس اُتے پیمرا نے آکھیا اے کہ عمران خان دیاں تقریراں نشر کرن اُتے کوئی پابندی نہیں۔ لہور ہائی کورٹ وچ سابق چیئرمین پی ٹی آئی عمران خان دی ٹی وی چینلاں اُتے تقریر نشر نہ ہون دے خلاف درخواست اُتے سماعت مکمل ہوگئی۔ سماعت جسٹس شمس محمود مرزا نے کیتی۔ہائی کورٹ نے عمران خان دی درخواست نمٹاندیاں ہویاں آکھیا اے کہ پیمرا ٹی وی چینلاں نوںپریشرائزڈ نہ کرے۔ پیمرا نے عدالت وچ آکھیااے کہ درخواست گزار دی تقریر نشر کرن اُتے کوئی پابندی نہیں اے۔