مناظرے دا چیلنج کرن والے ا جے اینہے وڈھے نہیں ہوئے،عطا تارڑ

لہور(پنجابی میڈیا گروپ)حلقہ این اے 127 توںمسلم لیگ ن دے امیدوار عطا اللہ تارڑ نے آکھیا اے کہ مناظرے دا چیلنج کرن والے ا جے اینہے وڈھے نہیں ہوئے۔ٹاون شپ وچ ورکراں نال خطاب کر دیاں ہویاں لیگی رہنما عطا تارڑ دا کہنا سی کہ کراچی دے اک وڈیرے نے لہور دا رخ کر لئیا اے، نواز شریف نے اپنا اک کارکن وڈیرے دے مقابلے وچ اُتاریا اے۔اونہاں نے آکھیا کہ پیپلز پارٹی والیاں نے روٹی کپڑا مکان دا نعرہ لایا سی مگر لو کاں توںپانی وی کھو لیا، بلاول بھٹو نے 300 یونٹ تے کیا 300 روپے وی عوام دیاں جیباں توںکَڈ لینے نیں۔لیگی رہنما دا کہنا سی کہ لہور وچ ترقیاتی کم صرف ن لیگ دے نظر آن گے، پچھلے 5 ورھیاں وچ اک اِٹ وی نہیں لائی گئی، سابق وزیراعلی پنجاب عثمان بزدار وی کِدھرے نہیں مل رہے، نوازشریف جَد وی آندے نیں نویں پراجیکٹ شروع کر دے نیں۔