جسٹس قاضی فائز عیسیٰ کیس، سپریم کورٹ دے وفاق توں 4سوالاں دے جواب طلب

اسلام آباد: جسٹس قاضی فائز عیسیٰ دی صدارتی ریفرنس دے خلاف عرضیاں تے سپریم کورٹ نے وفاق توں چار سوالاں دے جواب طلب کر لئے۔

عدالت نے آکھیا جسٹس قاضی فائز عیسیٰ دے بچے تے اہلیہ اوہناں دے زیر کفالت نیں تے ثابت کرن، کیہ ججاں تے بغیر شواہد تے شکایت دے سوال کیتا جا سکدا اے؟ فروغ نسیم نے دلائل دا آغاز کردیاں موقف اختیار کیتا کہ لندن دی تن جائیداداں معزز جج دے بالاں تے اہلیہ دے ناں تے نیں، اصل سوال ایہ اے کہ جائیداداں کہڑے ذرائع توں خریدی گئیاں تے منی ٹریل کیہ اے؟ پاکستان توں جائیداداں خریدن لئی پسیہ باہر کیویں گیا؟ ایہدے تے جسٹس عمر عطاءبندیال نے ریمارکس دتے کہ معزز جج کہندے نیں منی ٹریل تے وسائل دا بالاں تے اہلیہ توں پچھیا جاوے؟ جسٹس منصور علی شاہ بولے جہدے ناں جائیداداں نیں اوہناں نوں نظر انداز کرکے دوجے توں سوال کیویں پچھیا جا سکدا اے؟ جسٹس قاضی امین نے ریمارکس دتے کہ وفاق نوں ججاں دی جائیداداں توں کیہ مسئلہ اے؟ کیہ ججاں تے بغیر شواہد تے شکایت دے سوال کیتا جا سکدا اے؟ کیہ حکومتی اقدام ججاں تے عدلیہ دی آزادی دے خلاف نہیں؟ کیس دی ہور سماعت کل تک ملتوی کر دتی گئی۔