ذوالفقارعلی بھٹو دی پھانسی خلاف صدارتی ریفرنس اُتے کارروائی مکمل،فیصلہ محفوظ

اسلام آباد(بیورورپورٹ)سپریم کورٹ آف پاکستان وچ ذوالفقار علی بھٹو دی پھانسی خلاف صدارتی ریفرنس اُتے کارروائی مکمل ہون دے بعد فیصلہ محفوظ کر لیا گیا۔چیف جسٹس پاکستان جسٹس قاضی فائز عیسی دی سربراہی وچ 9 رکنی لارجر بنچ نے مقدمے دی سماعت کیتی۔بنچ وچ جسٹس سردار طارق مسعود، جسٹس مسرت ہلالی، جسٹس منصور علی شاہ ، جسٹس یحیی آفریدی، جسٹس امین الدین، جسٹس جمال مندوخیل، جسٹس محمد علی مظہر تے جسٹس حسن اظہر رضوی شامل سن۔چیف جسٹس پاکستان جسٹس قاضی فائز عیسی نے سماعت دے دوران ریمارکس دیندیاں ہویاںآکھیا اے کہ ذوالفقار علی بھٹو دی پھانسی خلاف صدارتی ریفرنس اُتے سپریم کورٹ نے رائے محفوظ کر لئی، اج نہیں مگر کسی دن دوبارہ شاید اپنا فیصلہ سنان بیٹھن۔