9مئی واقعے اُتے چیف جسٹس دی سربراہی وچ جوڈیشل کمیشن بنایا جائے،بلاول بھٹو

اسلام آباد(بیورورپورٹ)چیئرمین پاکستان پیپلز پارٹی بلاول بھٹو نے9مئی دے واقعے اُتے چیف جسٹس دی سربراہی وچ جوڈیشل کمیشن بنان دی درخواست کیتی اے۔بلاول بھٹو نے قومی اسمبلی دے اجلاس وچ خطاب کردیاں ہویاںآکھیا کہ میں محمود اچکزئی دے گھر اُتے چھاپے دی مذمت کردا ہاں، ایس معاملے پاروں صدارتی الیکشن نوں بلاوجہ متنازع کیتا جارہیا اے، بلاول بھٹو نے محمود اچکزئی دے گھر اُتے چھاپے مارن دے خلاف کارروائی کرن دی اپیل وی کردتی۔سابق وزیر خارجہ نے آکھیا کہ میں اپنے خاندان دی تریجی نسل دا نمائندہ ہاں جیہڑا ایس ایوان وچ دُوجی وار منتخب ہویا ہاں، ایس عمارت دا جیہڑا بنیادی پتھر اے اوہ ذوالفقار علی بھٹو نے لایا سی ، ایہ قومی اسمبلی کسی اک دی نہیں سبھ دی اے، قومی اسمبلی دا ایوان ساڈھے ساریاں دا اے، جَد اسیں قومی اسمبلی نوں کمزور کردے ہاں تے وفاق، جمہوریت نوں کمزور کردے ہاں، ساہنوں ایس نظام نوں کمزور نہیں مضبوط کرن دی کوشش کرنی چا ہیدی اے، بزرگاں توں درخواست اے کہ ایسے فیصلے کرن جس نال پارلیمان مضبوط ہوئے ۔