فلسطینیاں اُتے اسرائیلی حملیاں دے خلاف سینیٹ وچ قرارداد پیش

اسلام آباد(بیورورپورٹ)سینیٹ وچ فلسطینیاں اُتے اسرائیلی حملے دے خلاف قرارداد پیش کردتی گئی، قرارداد مسلم لیگ ن دے سینیٹر افنان اللہ نے پیش کیتی۔قرارداد وچ سینیٹر افنان اللہ دا کہنا سی کہ ایہ ساڈھے ساریاں لئی شرم دا مقام اے کہ مسلم ملکاں کول فوج اے مگر اسیں مظلوم فلسطینی بھائیاں نوںکھانا تک نہیں پہنچا سکدے، ایہ پوری دنیا بالخصوص مسلم ملکاں لئی شرم دا مقام اے۔سینیٹر پلوشہ خان نے آکھیا کہ ایس ویلے غزہ وچ لوگ بُھک نال مر رہے نیں، لوگ جس جگہ سر چھپان دی کوشش کردے نیں اسرائیل بمباری کردا اے، اسرائیلی فوجی شہیداں دیاںباڈیاں دے نال تصویر بنواندے نیں۔پلوشہ خان دا کہنا سی کہ امریکا دے 1فوجی نے ایس اُتے اپنے آپ نوں زندہ ساڑدتا، افسوس اے کہ اسیں پاکستان وچ اک وی مظاہرہ نہیں کر سکے۔سینیٹر پلوشہ خان نے آکھیا کہ مسلمان ارباں روپے دی زکوة ادا کردے نیں مگر غزہ لئی خوراک نہیں اے، خدا کرے عرب ملکاں دے تیل دے کھو خشک ہوجان۔