تحریک انصاف دی شمالی وزیرستان وچ سکیورٹی چیک پوسٹ اُتے حملے دی مذمت
اسلام آباد(بیورورپورٹ)تحریک انصاف نے شمالی وزیرستان وچ سکیورٹی چیک پوسٹ اُتے اَت گرداں دے حملے دی مذمت کیتی۔ترجمان پی ٹی آئی دے مطابق اَت گرداں دے حملے وچ پاک فوج دے بہادر سپوتاں دی شہادت اُتے گہرا دکھ تے افسوس ہویا، خود کش حملے وچ7 افسراں تے جواناں دیاں جاناں دے ضیاع دی شدید مذمت کر دے ہاں۔پی ٹی آئی دے ترجمان نے آکھیا کہ اَت گرداں دی بزدلانہ کارروائی دا جواں مردی نال مقابلہ کرن اُتے بہادر جوان خراج تحسین دے مستحق نیں، سکیورٹی فورسزدے بہادر سپوتاں نے اَت گرداں دے ناپاک عزائم خاک وچ ملا دتے، اَت گردی دے ناسورنوں جڑوں اُکھاڑن لئی پاکستانی قوم تے فوج نے تریخی قربانیاں دتیاں نیں۔
