اسیں غلامی کسی طور قبول نہیں کراں گے،مولانا فضل الرحمن

پشور(بیورورپورٹ)جمعیت علمائے اسلام دے سربراہ مولانا فضل الرحمن نے آکھیا کہ ملک نوں جعلی اسمبلیاں نال چلایا جا رہیا اے،اسیں ملک بچان نکلے ہاں تے آزادی دی تحریک ذریعے مسلط نظام ختم کر کے حقیقی جمہوریت بحال کراںگے۔مفتی محمود مرکز پشور وچ منعقدہ تنظیمی اجلاس نال ویڈیو لنک خطاب کر دیاں ہویاں مولانا فضل الرحمن نے آکھیا کہ9مئی نوں پشور وچ جمعیت علما اسلام دے آئندہ لائحہ عمل دا اعلان کیتا جائے گا، جے یو آئی نے ہمیشہ الیکشن دھاندلی خلاف صف اول دا کردارادا کیتا،1977 وچ وی دھاندلی خلاف مولانا مفتی محمود نے تحریک دی قیادت کیتی، 2018 وچ وی بدترین دھاندلی ہوئی تے اج 2024 وچ وی اوہی ڈرامہ رچایا گیا، کل دھاندلی لئی آواز چُکن والے اج دھاندلی اُتے خموش کیوں نبیں؟سربراہ جے یو آئی دا کہنا سی کہ اقتدار دی جنگ لڑن والیاں نے دھاندلی نال اقتدار لیا اے، اسیں غلامی کسی طورقبول نہیں کراں گے۔