وزیر اعظم اج ملک وچ تعلیمی ایمرجنسی نا فذکرن دا اعلان کرن گے

اسلام آباد(بیورورپورٹ)وزیر اعظم میاں شہباز شریف ملک بھر وچ اج تعلیمی ایمرجنسی نافذ کرن دااعلان کرن گے۔تفصیل دے مطابق حکومت ولوں4 ورھے لئی ملک وچ تعلیمی ایمرجنسی نافذ کرن دا فیصلہ کیتا گیا اے ایس حوالے نال اج اسلام آباد وچ خصوصی کانفرنس منعقد ہوئے گی،کانفرنس وچ چاروں وزرائے اعلی تے وزرائے تعلیم رَلت کرن گے۔خصوصی کانفرنس وچ وزیر اعظم شہباز شریف ملک بھر وچ تعلیمی ایمرجنسی نافذ کرن دا باضابطہ طور اعلان کرن گے، تعلیمی ایمرجنسی نافذ گلگت بلتستان تے آزاد کشمیر وچ وی ہوئے گا۔واضح رہے کہ پاکستان وچ 2 کروڑ 60 لکھ توں وَدھ بال سکولاں توں باہر نیں، حکومت نے 4 سال وچ ایہ تعداد گھٹ کر کے90 لکھ تک کرن دا ہدف مقررکیتا اے، ایس حوالے نال تعلیمی بجٹ آئندہ4 سال وچ5 فیصد تک لے جان دا امکان اے۔