پنجاب وچ امریکی سرمایہ کاری لئی محفوظ محول فراہم کراں گے،مریم نواز

لہور(پنجابی میڈیا)وزیراعلی پنجاب مریم نواز شریف نے آکھیا اے کہ پنجاب وچ امریکی سرمایہ کاری لئی محفوظ محول فراہم کراں گے۔وزیراعلی پنجاب مریم نواز نال امریکا دے سفیر ڈونلڈ بلوم نے ملاقات کیتی، ایس موقع اُتے ڈونلڈ بلوم نے پہلی خاتون وزیر اعلی پنجاب منتخب ہون اُتے مریم نوازنوں مبارکباد پیش کیتی، امریکی سفیر نے عوام دوست پراجیکٹس اُتے تیزی نال عملدرآمد کروان لئی وزیراعلی پنجاب دیاں کوششاں نوں سراہیا۔امریکی سفیر دا کہنا سی کہ وزیراعلی مریم نواز دی عوامی فلاح و بہبود دے منصوبیاں وچ خصوصی دلچسپی قابل ستائش اے، امریکا غربت نوں ختم تے اقتصادی ترقی لئی پنجاب حکومت دے نال ہور کم کرنا چاہندا اے۔ایس موقع اُتے وزیراعلی پنجاب نے آکھیا کہ امریکا تے پاکستان دے اقتصادی تعلقات دہائیاں اُتے محیط نیں، پنجاب وچ امریکی سرمایہ کاری لئی محفوظ محول فراہم کراں گے، ایگریکلچر، انڈسٹری تے آئی ٹی دے شعبہ وچ امریکا دے اشتراک کار دا خیر مقدم کراں گے۔