آصف زرداری پیپلزپارٹی دی صدارت توں مستعفی

اسلام آباد(بیورورپورٹ)صدر مملکت آصف علی زرداری نے پاکستان پیپلز پارٹی پارلیمنٹرین دی صدارت توں استعفی دے دتا آصف زرداری نے الیکشن کمیشن آف پاکستان نوں ایس حوالے نال آگاہ وی کردتا۔آصف علی زرداری مارچ وچ ملک دے 14 ویں صدر منتخب ہوئے سن جس دے بعد اونہاں نے عہدے دا حلف چُکیا سی۔ اوہ ایس توں پہلاں2008 توں 2013 تک وی ملک دے صدر رہ چکے نیں۔ اونہاں دے دور وچ 18 ویں آئینی ترمیم منظور کیتی گئی سی، جس دے تحت صدر نوں حاصل زیادہ تر اختیاروزیراعظم تے پارلیمان نوں منتقل کر دتے گئے سن۔