وزیراعظم نے پیٹرول ہور سستا ہون دا اشارہ دے دتا

اسلام آباد(بیورورپورٹ)وزیراعظم شہبازشریف نے مہنگائی وچ پھسی عوام لئی چنگی خبر قرار د یندیاں ہویاں پیٹرول دی قیمت وچ ہور کمی دا اشارہ دے دتا۔اپنے بیان وچ شہباز شریف نے آکھیا کہ 2 سال وچ مہنگائی دا گھٹ ہونا معاشی بہتری دے آثار نیں، 16 مہینیاں وچ جیہڑی محنت کیتی تے فیر اوس نوں نگراں حکومت نے جاری رکھیا جس دا پھل ہن سامنے آرہیا اے۔اونہاں نے آکھیا کہ مہنگائی دی شرح 39 فیصد توں پہلاں 20 فیصد تے ہُن 17فیصد اُتے آگئی اے، مہنگائی گھٹ کرنا اولین ہدف اے، اللہ تعالی دے فضل وکرم نال معاشی سرگرمیاں وچ تیزی نال عوام نوںہور ریلیف ملے گا۔