ملک کسی دی انا تے سیاست نال یرغمال نہیں ہوسکدا،احسن اقبال

لہور(پنجابی میڈیا) وفاقی وزیر منصوبہ بندی و ترقی پروفیسر احسن اقبال نے آکھیا اے کہ ملک وچ مسلسل انتشار کس دا ایجنڈااے؟ اگرانتشار رہے گا تے فیر کسطرح سرمایہ کاری آئے گی، ایہ ملک کسی دی انا تے سیاست نال یرغمال نہیں ہوسکدا، اگراسیں دنیا دا مقابلہ کرنا اے تے ساہنوں نظام تعلیم بہتربنانا ہوئے گا، اسلام تعلیم وتحقیق اُتے زور دیندا اے، اگرساہنوں اندھیریاں توںکڈنا اے تے فکر اقبال توں روشنی لینا ہوئے گی۔ایہہ گلاں اونہاں نے اتوار دی رات اقبالینز سوسائٹی دی چھترچھاویں ہون والی تقریب نال خطاب کر دیاں ہویاں کیتیاں ۔احسن اقبال نے آکھیا کہ ساہنوں ہر یونیورسٹی اندر اقبال چیئر قائم کرنی چا ہیدی تے عورتاں نوں وی ہر شعبہ وچ اگے لیانا چا ہیدا اے، نویں نسل شدت پسندانہ رویاں دا شکار ہو رہی اے، سوشل میڈیا ذریعے انتہا پسندی دا پرچارکیتا جا رہیا اے، اینہاں سب چیزاں دا علاج فکر اقبال وچ اے۔اونہاں نے آکھیا کہ کجھ افراد نے اپنے بالاں دی فرمائش اُتے ناتجربہ کار نوں ملک اُتے لیا کے بٹھا دتا، جس نے 4ورھیاں وچ ملک دا حشر نشر کر دتا ، اسیںدوست ملکاں دا اعتماد دوبارہ بحال کر رہے ہاں۔