ایس بجٹ وچ مکمل ہون دے نیڑے منصوبیاں نوں ترجیح دتی جائے گی،علی امین گنڈا پور
پشور(بیورورپورٹ)وزیراعلی خیبر پختونخوا علی امین گنڈا پور نے آکھیا کہ آئندہ بجٹ وچ تکمیل دے نیڑے منصوبیاں نوںفنڈز فراہم کرن وچ پہلی ترجیح دتی جائے گی۔وزیر اعلی خیبر پختونخوا سردار علی امین خان گنڈاپور دی زیر صدارت اگلے مالی سال دے ترقیاتی پروگرام دی تیاری بارے اجلاس منعقد ہویا جس وچ سالانہ ترقیاتی پروگرام شامل کرن لئی محکمہ آبنوشی، آبپاشی تے مواصلات دے مجوزہ ترقیاتی منصوبیاں اُتے تفصیلی غوروخوص کیتا گیا، اینہاں محکمیاں دے جاری منصوبیاں لئی فنڈز الوکیشن تے ہور امور دا وی تفصیلی جائزہ لیا گیا۔سردار علی امین گنڈاپور نے آکھیا کہ جاری منصوبیاں خصوصا تکمیل دے نیڑے منصوبیاںنوں ترجیحی بنیاداں اُتے مکمل کیتا جائے گا، سالانہ ترقیاتی پروگرام وچ ایسے منصوبے شامل نہ کیتے جان جنہاں اُتے مقررہ ویلے وچ عملدرآمد ممکن نا ہوئے، اگلے سالانہ ترقیاتی پروگرام لئی لوڑ دی بنیاد اُتے ترجیحی منصوبے تجویز کیتے جان۔
