مذاکرات نتیجہ خیز ہون گے، پاکستان دی سپورٹ جاری رکھاں گے: آئی ایم ایف

اسلام آباد(بیورورپورٹ)عالمی مالیاتی فنڈ (آئی ایم ایف) دے مشن چیف ناتھن پورٹر نے آکھیا اے کہ پاکستان نال مذاکرات نتیجہ خیز ہون گے تے پاکستان دی سپورٹ جاری رکھاں گے۔ذرائع مطابق وزارت خزانہ دے حکام نال ملاقات وچ آئی ایم ایف دے چیف ناتھن پورٹر نے آکھیا کہ سیاسی عدم استحکام پاروں معاشی میدان وچ چیلنجز ہوئے تے معاشی استحکام وی سیاسی استحکام دے نال جڑیا ہویا اے۔آئی ایم ایف مشن چیف دا کہنا سی کہ معیشت دی بہتری لئی ساریاں سیاسی جماعتاں نوں نال مل کے کم کرن دی لوڑ اے۔ ناتھن پورٹر داکہنا سی کہ آئی ایم ایف جیہڑیاں تجویزاں دیوے اوس اُتے عملدرآمد یقینی بنایا جائے، مذاکرات نتیجہ خیز ہون گے تے پاکستان دی سپورٹ جاری رکھاں گے۔آئی ایم ایف مشن چیف نے یقین دہانی کروائی کے معاشی ٹیم دے نال آئندہ مالی سال دے بجٹ اُتے وی کم کراں گے۔