اسیں کجھ کردے نہیں تے اوس دا ایہ مطلب نہیں کہ بس پتھرماری جائو،چیف جسٹس

اسلام آباد(بیورورپورٹ) چیف جسٹس پاکستان قاضی فائز عیسی نے کیس دی سماعت وچ ریمارکس د تے کہ غلط خبر اُتے کوئی معافی تک نہیں منگدا تے نا ہی ایہ کہندا اے ساڈھے توں غلطی ہوگئی جَد کہ اسیں کجھ کردے نہیں تے اوس دا ایہ مطلب نہیں کہ بس پتھر ماری جائو۔سپریم کورٹ وچ چیف جسٹس پاکستان قاضی فائز عیسی دی سربراہی وچ 3رکنی بینچ نے صحافیاں نوں ہراساں کرن خلاف کیس سماعت کیتی جس دوران چکوال دے درخواست گزار کمرہ عدالت وچ درخواست دائرکرن توں ہی مکر گئے تے آکھیاکہ اسیں سپریم کورٹ وچ درخواست دائر نہیںکیتی۔درخواست گزار راجہ شیر بلال، ابرار احمد تے ایم آصف ذاتی حیثیت وچ عدالت وچ پیش ہوئے چیف جسٹس نے آکھیا غلط خبر اُتے کوئی معافی تک نہیں مانگدا تے نا ہی ایہ کہندا اے ساڈھے توں غلطی ہوگئی اے، غلطیاں تے جسطرح صرف سپریم کورٹ دے جج ہی کر دے نیں، بس فون چُکیا تے صحافی بن گئے کہ ساڈھے ذرائع نیں ،کسی دے کوئی ذرائع نہیں۔ چیف جسٹس پاکستان دا کہنا سی کہ اسیں کجھ کردے نہیں تے اوس دا ایہ مطلب نہیں کہ بس پتھر ماری جائو، باہر ملک وچ اینج ہُندا تے ہتک عزت دے کیس وچ جیباں خالی ہوجاندیاں۔