اسیں ہمیشہ ججاں تے عدالتاں دا احترام کیتا،مریم اورنگزیب

لہور(پنجابی میڈیا)صوبائی وزیر مریم اورنگزیب نے آکھیا اے کہ اسیں ہمیشہ ججاں تے عدالتاں دا احترام کیتا اے۔سینئر صوبائی وزیر مریم اورنگزیب نے میڈیا نال گل بات کر دیاں ہویاںآکھیا اے کہ ججاں دی تعیناتی لئی کمیٹی بنائی سی جس وچ صوبائی وزیر قنون تے مجتبی شجاع الرحمن شامل نیں۔اونہاں نے آکھیا کہ جج صاحبان نے بلایا سی کہ اوپن کورٹ وچ گل کرن، درخواست کیتی سی کہ چیمبر وچ گل کر لیندے ہاں لیکن ہُن سماعت ہو گئی اے، پیر دا ویلا دتا اے اُمید اے منافع بخش سماعت ہوئے گی۔سینئر صوبائی وزیر نے ہورآکھیا اے کہ اسیں ہمیشہ ججاں تے عدالتاں دا احترام کیتا اے، اسیں کَدی عدالتاں اُتے دھاوے نہیں بولے یا اوئے کہہ کے نہیں پکاریا،اسیں احترام دے نال گھنٹے گھنٹے کھڑے ہو کے ناحق سزاواں وی کٹیاں نیں۔اونہاں دا کہنا سی کہ اسیں ہمیشہ قنون دا احترام کیتا اے ایس پاروں اج سرخرو ہوئے ہاں،ساڈھے کول منگل نوں ایہ کیس آیا اسیں کم شروع کیتا تے اج ویکھو اسیںجج صاحب سامنے پیش ہو گئے ہاں۔