پنجاب دے سکولاں وچ یکم جون توںموسم گرما دی چھٹیاں دااعلان

لہور(پنجابی میڈیا)پنجاب بھر دے تعلیمی اداریاں وچ یکم جون توں موسم گرما دی چھٹیاں دا اعلان جدکہ شدید گرمی پاروں ٹائم وی تبدیل کر دتا گیا۔محکمہ ایجوکیشن سکول نے موسم گرما دی چھٹیاں دا نوٹیفکیشن جاری کر دتا۔جاری کیتے گئے نوٹیفکیشن مطابق صوبے بھر وچ ساریاں نجی و سرکاری سکولاں وچ یکم جون توں چھٹیاں ہون گیاں، 14 اگست تک سارے تعلیمی ادارے بند رہن گے، فیصلے دا اطلاق ساریاں نجی و سرکاری سکولاں اُتے ہوئے گا۔موسم گرما دی چھٹیاں دے بعد 15 اگست توں سکولاں وچ تعلیمی سرگرمیاںشروع ہون گیاں۔دُوجے پاسے ملک بھر وچ گرمی دی شدت ودھن پاروںسکولاں دے اوقات کار تبدیل کردتے گئے۔محکمہ سکول ایجوکیشن مطابق پیر توں جمعرات تک سکولاں دا آغاز 7 وجے ہوئے گا جدکہ چھٹی ساڑھے 11 وجے ہوئے گی، جمعہ والے دن چھٹی ساڑھے 10 وجے ہوئے گی۔