سٹار بلے باز ویرات کوہلی دا کرکٹ توں ریٹائرمنٹ لین دا اشارہ

ممبئی(نیوزڈیسک)بھارتی کرکٹ ٹیم دے کامیاب ترین بلے باز ویرات کوہلی نے کرکٹ توں ریٹائرمنٹ لین دا اشارہ دے دتا۔بھارتی میڈیا دے مطابق ویرات کوہلی نے ریٹائرمنٹ دے بعد اپنے منصوبیاں بارے گل بات کر دیاں ہویاںآکھیا کہ کرکٹ دے بعد اک لمبی بریک لواں گا۔سال 2008 وچ بھارتی کرکٹ ٹیم وچ ڈیبیو کرن والے ویرات کوہلی دا کہنا اے کہ کرکٹ توں کنارہ کشی دے بعد اوہ اپنی فیملی دے نال ویلا گزارن دا ارادہ رکھدے نیں۔سَجھے ہتھ نال بلے بازی کرن والے کوہلی نے اپنے پیچھے کوئی نامکمل منصوبہ نہ چھڈن تے مستقبل وچ کسی پچھتاوے توں بچن دی اہمیت اُتے زور د یندیاں ہویاں آکھیاکہ بطور کھیڈاری ساڈھے کول کیریئر دااختتامی ویلا ہُندا اے، ایس لئی میں پیچھے رہ کے کم کر رہیا ہاں۔اونہاں دا کہنا سی کہ اک وار جدوں میرا کم مکمل ہوجائے گا میں چلا جاواں گا۔