ایرانی صدر تے وزیرخارجہ دے انتقال پر بہت دُکھ اے ، عمران خان
راولپنڈی(بیورورپورٹ)بانی تحریک انصاف عمران خان نے ایرانی صدر تے وزیر خارجہ دی ہیلی کاپٹر حادثے وچ وفات اُتے افسوس دا اظہار کیتا۔عمران خان نے آکھیا کہ ہیلی کاپٹر حادثے وچ صدر ابراہیم رئیسی تے وزیر خارجہ حسین امیر عبداللہیان دی وفات دا سُن کے نہایت دُکھ ہویا، صدر ابراہیم رئیسی نے مصیبت زدہ فلسطینی عوام لئی اپنے ملک دی پرعزم حمایت دی قیادت کیتی۔بانی پی ٹی آئی نے آکھیا کہ اسیں اسلامی جمہوریہ ایران دی قیادت تے عوام دے نال تعزیت دا اظہار کر دے ہاں، غم تے آزمائش دی ایس گھڑی وچ اسیں ایران تے اوس دی عوام دے نال کھڑے ہاں۔
