صدر ابراہیم رئیسی دے جان نال پوری مسلمہ دا نقصان ہویا،عمر ایوب خان

اسلام آباد(بیورورپورٹ)قائد حزب اختلاف قومی اسمبلی عمر ایوب خان نے حادثے دے نتیجے وچ ایرانی صدر سید ابرہیم رئیسی ، ایرانی وزیر خارجہ تے ہیلی کاپٹر وچ سوار ہور رفقا دے جاں بحق ہون اُتے گہرے دکھ تے افسوس دا اظہارکیتا اے ۔عمر ایوب خان نے اک بیان وچ ایرانی عوام نال یکجہتی دا اظہار کر دیاں ہویاں حادثے وچ شہید ہون والے افراد دے درجات دی بلندی لئی دعا کیتی ۔اونہاں داکہنا سی کہ صدر ابراہیم رئیسی کے جان نال پوری مسلمہ دا نقصان ہویا، امت مسلمہ اک عظیم تے دلیر لیڈر توںمحروم ہو گئی تے پاکستان اک مخلص دوست توں محروم ہو گیا اے۔عمر ایوب خان نے آکھیا کہ صدر رئیسی خطے دی ترقی تے خوشحالی دے داعی سن، مشکل گھڑی وچ ایرانی عوام دے نال کھڑے ہاں تے اونہاں دے دکھ وچ برابر دے رَلتی ہاں۔