وفاقی حکومت کسطرح اپنے خرچے گھٹ کرے گی؟آئی ایم ایف نوں پلان پیش

اسلام آباد(بیورورپورٹ) پاکستان نے عالمی مالیاتی فنڈ(آئی ایم ایف) نوں خرچے گھٹ کرن دا پلان پیش کردتا۔ذرائع مطابق وزارت خزانہ ولوں آئی ایم ایف نوں پیش کیتے گئے پلان وچ دسیا گیا اے کہ وفاقی حکومت اک سال وچ300ارب روپے توں وَدھ دے خرچے گھٹ کرے گی۔ذرائع دا کہنا اے کہ وفاقی وزارتاں ولوں نویں گڈیاں خریدن اُتے مکمل پابندی رہے گی، اک سال توں خالی گریڈ 1 توں 16 دی ساریاں پوسٹاں نوں ختم کر دتا جائے گا۔ذرائع دا کہنا اے کہ وفاقی حکومت صوبیاں دے ترقیاتی منصوبیاں وچ فنڈنگ نہیں کرے گی، وفاقی حکومت صرف اہم تے قومی نوعیت دے ترقیاتی منصوبیاں لئی وسائل دیوے گی، انفرا اسٹرکچر دے منصوبے پبلک پرائیویٹ پارٹنرشپ تحت کیتے جان گے۔