صوبے دی عوام دے مسائل حل کرن لئی کوشش وچ ہاں،علی امین گنڈاپور

پشور(بیورورپورٹ)وزیراعلی خیبرپختونخوا علی امین گنڈاپور نے آکھیا اے کہ صوبے دی عوام دے مسائل حل کرن لئی کوشش وچ ہاں۔پشور وچ تقریب نال خطاب کر دیاں ہویاں علی امین گنڈاپور دا کہنا سی کہ صوبے دی ترقی تے بیروزگاری ختم کرن لئی اقدام کررہے ہاں، صحت دے شعبے دی بہتری لئی وی اقدام جاری نیں۔اونہاں نے آکھیا کہ خیبرپختونخوا دی عوام صحت کارڈ ذریعے پورے پاکستان وچ کِدھرے وی علاج کراسکدے نیں، کے پی سنے پورے پاکستان وچ معاشی مسائل دا سامنا اے۔علی امین گنڈاپور دا کہناسی کہ صوبہ معاشی بحران دا شکار اے،اسیں خود مختار لوگ ہاں لیکن بدقسمتی نال ساہنوں مدد لینا پہ رہی اے۔