وزیراعلی پنجاب دا صوبے وچ ایئر ایمبولینس سروس چھیتی شروع کرن دا حکم
لہور(پنجابی میڈیا)وزیراعلی پنجاب مریم نواز نے صوبے وچ ایئر ایمبولینس سروس چھیتی شروع کرن دا حکم د یندیاں ہویاں جون دی ڈیڈ لائن مقرر کر دتی۔وزیراعلی پنجاب مریم نواز دی زیر صدارت ایئر ایمبولینس تے ایمرجنسی سروسز بارے اجلاس ہویا، اجلاس وچ سیکرٹری ایمرجنسی سروسز رضوان نصیر نے ایئر ایمبولینس سروس تے سی پی آر ٹریننگ اُتے بریفنگ دتی۔اجلاس نال گل بات کر دیاں ہویاں مریم نواز نے آکھیا کہ دوردراز علاقیاں وچ ہنگامی صورتحال وچ مریض شفٹ کرن لئی ایئر ایمبولینس سروس استعمال ہوئے گی۔ایس موقع اُتے مریم نواز نے طالب علماں لئی سی پی آر ٹریننگ پروگرام شروع کرن دی ہدایت کیتی تے آکھیا کہ سکولاں، کالجاں تے یونیورسٹی دے طلبا وطالبات نوں ہارٹ اٹیک دی فرسٹ ایڈ ٹریننگ دتی جائے گی۔
