پی ٹی آئی قیادت دا اہم اجلاس، جے یو آئی نال مل کے تحریک چلان اُتے اہم فیصلے
لہور( پنجابی میڈیا)پی ٹی آئی قیادت نے جے یو آئی دے نال مل کے احتجاجی تحریک چلان دا معاملہ عمران خان دے سامنے رکھن دا فیصلہ کیتا اے، حتمی منظوری اُتے دونوں جماعتاں دی بااختیار کمیٹی بنائی جائے گی۔میڈیادے مطابق تحریک انصاف دے وفد دی مولانا فضل الرحمان نال ملاقات دے بعد اہم پیش رفت سامنے آئی اے، مولانا نال ملاقات دے بعد تحریک انصاف دی سینیئر قیادت دا مشاورتی اجلاس منعقد ہویا۔ذرائع تحریک انصاف دے مطابق اجلاس نوں دسیا گیا کہ مولانا فضل الرحمان نے مذاکرات لئی بانی چئیرمین ولوں ایشورٹی دا مطالبہ کیتا اے، مولانا فضل الرحمان ولوں اک نویں پلیٹ فارم توں نویں تحریک چلان دا وی مطالبہ سامنے آیا اے۔اجلاس وچ مولانا فضل الرحمان نال مذاکرات اُتے بانی تحریک انصاف نال مشاورت اُتے اتفاق کیتا گیا۔
