عمران خان دے خلاف آرٹیکل 6 تحت کارروائی کی درخواست خارج

کوئٹہ(بیورورپورٹ) بلوچستان ہائیکورٹ نے عمران خان خلاف آرٹیکل 6 تحت کارروائی دی درخواست خارج کردتی۔بلوچستان ہائیکورٹ دے چیف جسٹس ہاشم کاکڑ تے جسٹس شوکت رخشانی اُتے مشتمل بینچ نے بانی پی ٹی آئی عمران خان دے خلاف آرٹیکل 6 تحت کارروائی لئی دائر درخواست اُتے سماعت کیتی۔بلوچستان ہائیکورٹ وچ ایہ درخواست وکیل امان اللہ کنرانی ولوں دائر کیتی گئی سی جس اُتے سماعت دے دوران عدالت نے درخواست گزار دے دلائل سنن دے بعد فیصلہ سنایا۔عدالت نے عمران خان دے خلاف آرٹیکل 6 تحت کارروائی دی درخواست خارج کردتی جیہڑی عدالتی دائرہ اختیار وچ نہ ہون اُتے خارج کیتی گئی اے۔