متحدہ عرب امارات توں قرض نہیں سانجھی سرمایہ کاری چاہندے ہاں،شہبازشریف
ابوظہبی(نیوزڈیسک)وزیر اعظم شہباز شریف نے آکھیاکہ اسیں کشکول توڑ دتا اے، متحدہ عرب امارات توں قرض نہیں سانجھی سرمایہ کاری چاہندے ہاں،ساڈھی کوشش اے کہ ڈیجیٹلائزیشن دا عمل تیزی نال مکمل ہوئے ۔وزیر اعظم شہباز شریف نے تقریب نال خطاب کر دیاں ہویاں آکھیا کہ متحدہ عرب امارات دے باصلاحیت آئی ٹی پروفیشنلز نوں ویکھ کے بے حد خوشی ہو رہی اے، آئی ٹی پروفیشنلز معیشت دے ساریاں شعبیاں دی ڈیجیٹلائزیشن وچ اہم کردار ادا کر رہے نیں۔شہباز شریف نے آکھیا کہ پاکستان دی آبادی دا 60 فیصد توں وَدھ حصہ نوجواناں اُتے مشتمل اے، پچھلے ڈھائی مہینے وچ سب توں وَدھ ویلا آئی ٹی شعبے نوں دتا۔وزیراعظم نے آکھیا کہ شیخ محمد بن زید ولوں معیشت وچ لیائی گئی جدت قابل رشک اے، متحدہ عرب امارات دے صدر پاکستان دے عظیم دوست نیں، اج دی نشست ایس گل دی متقاضی اے کہ آئی ٹی دے شعبے وچ کس طرح اہداف نوں حاصل کرنا اے۔
