اک ادارے دی سیاست وچ مداخلت نال ملک نوں نقصان ہو رہیا اے،عمرایوب

راولپنڈی(بیورورپورٹ)اپوزیشن لیڈر عمر ایوب نے آکھیا اے کہ اک ادارے نوں سیاست وچ مداخلت نہیں کرنی چا ہیدی اوس نال ملک نوں نقصان ہو رہیا اے، قنون نافذ کرن والے ادارے خود اُتے ریاست دا لبادہ نہیں اوڑھ سکدے۔اڈیالہ جیل راولپنڈی دے باہر پارٹی رہنماواں دے ہمراہ میڈیا نال گل کر دیاں ہویاں اپوزیشن لیڈر عمر ایوب نے آکھیا کہ 16 دسمبر 1971 نوں پاکستان دے 2حصے ہوئے تے ایہ فیصلہ جنرل یحیی خان دا سی، اج وی پاکستان وچ فرد واحد فیصلے کر رہیا اے اوس دے وی نقصان ہون گے۔ فارم 47 والی حکومت پاکستان دے موجودہ صورتحال دی ذمہ داراے۔عمر ایوب نے آکھیا کہ حماد اظہر تے میاں اسلم اقبال نوںاگر گرفتار کیتا گیا تے اسمبلی دے اندر مذمت کرن گے، ساڈھا پورے پاکستان وچ پرامن احتجاج ہوئے گا، اگر میاں اسلم اقبال اُتے دباو پا کے کسی قسم دا بیان لیا گیا اسیں نہیں مناں گے، حماد اظہر تے میاں اسلم اقبال قنونی کارروائی مکمل کرن تے پارٹی نوں لیڈ کرن۔