پاکستان تے آئی ایم ایف دے وچکار اسٹاف سطح دے معاہدے لئی اہم پیشرفت
اسلام آباد(بیورورپورٹ)پاکستان تے بین الاقوامی مالیاتی فنڈ(آئی ایم ایف)جائزہ مشن دے وچکار نویں قرض پروگرام لئی مذاکرات وچ اسٹاف سطح دے معاہدے اُتے اتفاق نہیں ہوسکیا البتہ آئی ایم ایف دا کہنا اے کہ 10 روزہ مذاکرات وچ اسٹاف لیول معاہدے لئی پیشرفت ہوئی اے۔پالیسی اُتے پاکستانی حکام توں ورچوئل گل بات جاری رہے گی تے ورچوئل گل بات وچ پاکستان لئی نویں پروگرام نوں حتمی شکل دین اُتے گل بات ہوئے گی۔تفصیل دے مطابق پاکستان دا دورہ مکمل کرن دے بعد آئی ایم ایف ولوں جاری کردہ اعلامیہ وچ دسیا گیا اے کہ پاکستان دی درخواست اُ تے آئی ایم ایف وفد نے پاکستان دا دورہ کیتا، دورے وچ نویں پروگرام بارے پاکستان دی درخواست دا جائزہ لیا گیا۔
