خود نوں سیاسی مقصد لئی استعمال کرن دی اجازت نہیں دیاں گا،ملک ریاض

اسلام آباد(بیورورپورٹ) بحریہ ٹائون دے سربراہ ملک ریاض نے آکھیا اے کہ کَدی وی کسی نوں اجازت نہیں دیاں گا کہ اوہ مینوں سیاسی مقصد لئی استعمال کرے۔ملک ریاض نے ایکس اُتے جاری بیان وچ آکھیا کہ میری ساری زندگی، اللہ تعالی نے ہمیشہ مینوں اپنے اصول اُتے قائم رہن دی رہنمائی کیتی اے کہ میں کسی وچ معاملے وچ سیاسی فریق نا بناں ۔اونہاں نے آکھیا کہ اک سال توںتوں میرے اُتے سمجھوتہ کرن لئی بوہت دبا اے، لیکن میں کَدی وی کسی نوںاجازت نہیں دیاں گا کہ اوہ مینوں سیاسی مقصد لئی استعمال کرے۔ملک ریاض دا کہنا سی کہ پاکستان وچ جدید ترین پراجیکٹ متعارف کروان اُتے مینوں تے میرے کاروبار نوںہمیشہ نشانہ بنایا گیا اے ۔اونہاں نے دعا کیتی کہ اللہ تعالی ایس مشکل دور وچ عزت دے نال میری رہنمائی تے مدد کرے گا تے مینوں سرخرو کرے گا۔انشا اللہ