وزیراعظم نال پیپلز پارٹی وفد دی ملاقات، بجٹ بارے مشاورت
اسلام آباد(بیورورپورٹ) وزیراعظم محمد شہباز شریف نال پاکستان پیپلز پارٹی دے وفد دی ملاقات ہوئی جس وچ مالی سال 2024-25 دے بجٹ بارے مشاورت کیتی گئی۔ملاقات وچ ملک دی مجموعی و سیاسی صورت حال اُتے وی تبادلہ خیال کیتا گیا۔پیپلز پارٹی وفد وچ سابق وزیراعظم راجہ پرویز اشرف، سید نوید قمر، وزیر اعلی سندھ مراد علی شاہ تے شیری رحمان شامل سن۔ملاقات وچ نائب وزیراعظم و وزیر خارجہ اسحاق ڈار، وفاقی وزیر منصوبہ بندی احسن اقبال، مشیر وزیراعظم برائے سیاسی امور رانا ثنااللہ تے وفاقی وزیر قنون و انصاف اعظم نذیر تارڑ وی موجود سن۔
