چینی شہریاں اُتے حملے وچ افغان سر زمین استعمال ہوئی،وفاقی وزیر داخلہ

لہور(پنجابی میڈیا)وفاقی وزیر داخلہ محسن نقوی نے آکھیا کہ چینی شہریاں اُتے حملے وچ افغان سرزمین استعمال ہوئی، افغان سرزمین استعمال ہون اُتے ساہنوں سخت تشویش اے۔وفاقی وزیرداخلہ محسن نقوی تے ہوراں نے میڈیا نال گل بات کر دیاں ہویاں آکھیا کہ چین دے نال ساڈھے تعلقات بوہت اہمیت رَکھدے نیں، چین نے ہمیشہ پاکستان دا ساتھ دتا، چینی شہریاں اُتے پلان کرکے حملہ کیتا گیا، پاکستان نے افغان عبوری حکومت دے نال اَت گردی دا معاملہ چُکیا اے۔محسن نقوی نے ہورآکھیا کہ اجے تک افغان عبوری حکومت توں چنگے نتائج نہیں آرہے، اسیں سرحد دی سکیورٹی نوں وی ودھایا اے،ساہنوں پتہ اے کیہڑیاں طاقتاں چین تے پاکستان دے تعلقات خراب کرنا چا ہندیاں نیں، اَت گرد افغان عبوری حکومت دی کمزوری دا فائدہ چُک رہے نیں۔