سندھ ہائیکورٹ نے کورٹ رپورٹراںنوںعدالتی رپورٹنگ دی اجازت دے دتی

کراچی (بیورورپورٹ)سندھ ہائیکورٹ نے کورٹ رپورٹراں نوں روزہ مرہ دی عدالتی رپورٹنگ دی اجازت دے دتی، عدالت نے 6 جون تک پیمرا نوٹیفکیشن اُتے عمل در آمد روک دتا ۔چیف جسٹس سندھ ہائی کورٹ دی سربراہی وچ2 رکنی بنچ نے عدالتی کارروائی دی رپورٹنگ اُتے پابندی دے نوٹیفکیشن خلاف کورٹ رپورٹراں دی درخواست اُتے سماعت کیتی۔عدالت نے آئندہ سماعت تک پیمرا نوٹیفکیشن اُتے عمل درآمد روک دتا ، پیمرانے 21 مئی نوں نوٹیفکیشن جاری کیتا سی ، ایس نوٹیفکیشن دی پابندی بارے شقاں اُتے عملدرآمد روکیا اے۔پیمرا ولوں عدالتی کارروائی دی رپورٹنگ اُتے پابندی دا نوٹیفکیشن سندھ ہائیکورٹ وچ وی چیلنج کیتا گیا سی، درخواست امین انور، شوکت کورائی تے ہوراں ولوں دائر کیتی گئی جس وچ پیمرا، وزارت انفارمیشن براڈ کاسٹ تے ہوراں نوں فریق بنایا گیا۔عدالت نے درخواست اُتے نوٹس جاری کر دیاں ہویاں سماعت 6 جون تک ملتوی کردتی۔