اللہ نوں کیہ جواب دیاں گی ایس گل توں ڈر لگدا اے،ہانیہ عامر

کراچی(بیورورپورٹ) اداکارہ تے ماڈل ہانیہ عامر دا کہنا اے کہ خود نوں ملن والی شہرت توں خوف زدہ ہُندی ہاں۔برطانوی نشریاتی ادارے نوں انٹرویو وچ اداکارہ ہانیہ عامر نے آکھیا کہ خودنوں ملن والی شہرت توں ڈر لگدا اے۔ میں ہمیشہ ذہنی صحت بارے کھل کے گل کیتی اے۔ہانیہ عامر دا ہور کہنا سی کہ مینوں ایس گل دا وی احساس ہندا اے کہ مرن دے بعد اللہ نوں کیہ جواب دیاں گی۔ ایہ کہ میں اپنی خوبصورت تصویراں سوشل میڈیا اُتے پوسٹ کیتیاں تے خوب پیسہ کمایا۔ ایہ جواب میرے دین دا نہیں اے۔اداکارہ نے آکھیا کہ میرا مقصد اپنے کم ذریعے مثبت اثرات پھیلانا تے لو کاں نوں خوش کرنا اے۔ لوگ ذہنی صحت بارے گل کر دیاں ہویاں کتراندے نیں لیکن ایس بارے ہمیشہ میں گل کیتی اے۔ لوکاں نوں پتا ہونا چا ہیدا کہ ذہنی بیماریاں دا وی علاج موجود اے۔