اسلام آباد دے شہریاں دی سہولت لئی5وڈھے منصوبیاں دااعلان
اسلام آباد(بیورورپورٹ)وفاقی وزیر داخلہ محسن نقوی نے اسلام آباد دے شہریاں دی سہولت لئی5وڈھے منصوبیاں دا اعلان کر دتا۔محسن نقوی نے سی ڈی اے ہیڈکوارٹر دادورہ کیتا تے شہریاں نوںریلیف دین لئی اہم فیصلے کیتے۔ایس موقع اُتے وزیر داخلہ نے اسلام آباد وچ کیپیٹل ایمرجنسی سروسز دے اجرا تے کیپیٹل ویسٹ مینجمنٹ کمپنی دے قیام دا فیصلہ کیتا گیا، کیپیٹل سیف سٹی اتھارٹی تے سی بی ڈی اسلام آباد دا وی قیام عمل وچ لیایا جائے گا، اسلام آباد دے شہریاں دی سہولت لئی کیپیٹل واسا وی بنے گا۔وفاقی وزیرداخلہ نے چیئرمین سی ڈی اے و چیف کمشنر اسلام آباد محمد علی رندھاوا نوں ٹاسک دے دتا۔محسن نقوی دا کہنا سی کہ سارے اقداماں دا مقصد اسلام آباد دے شہریاںنوں بہترین تے تیز رفتار خدمتاں فراہم کرنا اے، انشااللہ چھیتی اسلام آبادنوں اک مثالی شہر بناواں گے۔
