شاہ محمود قریشی دا9مئی دے 8مقدمیاں وچ9روزہ جسمانی ریمانڈ منظور

لہور(پنجابی میڈیا)انسداد دہشتگردی عدالت نے پاکستان تحریک انصاف (پی ٹی آئی) دے رہنما شاہ محمود قریشی دا9مئی دے 8 مقدمیاں وچ 9دن دا جسمانی ریمانڈ منظور کرلیا۔لہور دی انسداد دہشتگردی عدالت دے جج خالد ارشد نے محفوظ فیصلہ سنایا جس وچ عدالت نے حکم د تا کہ شاہ محمود قریشی نوں تفتیش دی رپورٹ 5 جون نوں پیش کیتی جائے۔عدالتی فیصلے وچ آکھیا گیا اے کہ شاہ محمود قریشی نال ویڈیو لنک ذریعے تفتیش کیتی جائے۔فیصلے وچ ہور آکھیا گیا اے کہ تفتیشی افسر دے مطابق ملزم نے سوشل میڈیا اُتے ویڈیوز تے پیغام جاری کیتے، ملزم ولوں سوشل میڈیا اُتے اپ لوڈ کیتا گیا سارا مواد فرانزک لیب گھل دتا گیا اے۔