ملک بھر وچ بجلی دی لمبی لوڈشیڈنگ، پشور وچ مظاہرین نے موٹروے بندکردتی

پشاور(بیورورپورٹ)ملک وچ گرمی دے نال بجلی دی لوڈشیڈنگ وی وَدھ گئی جیتھے مختلف شہراں وچ بجلی دی لووڈشیڈنگ دا دورانیہ 14 گھنٹے تک جا پہنچیا اے۔پشور وچ بجلی دی لوڈشیڈنگ خلاف عوام نے احتجاج کیتا جس وچ مظاہرین نے موٹر وے ایم ون بند کردتی جس نال سڑک اُتے گڈیاں دی لمبیاں قطاراں لگ گئیاں۔مظاہرین نے مذاکرات لئی حکام دے آن تک سڑک کھولن توں انکار کر دیاں ہو یاں آکھیا کہ لوڈشیڈنگ دا دورانیہ ناقابلِ برداشت حد تک وَدھ گیا اے۔دُوجے پاسے ملک دے چھوٹے وڈھے شہراں وچ بجلی دی لمبی لوڈشیڈنگ نال عوام پریشان اے، کراچی دے بعض علاقیاں وچ ادھی رات دے بعد وی لوڈشیڈنگ دا سلسلہ جاری اے۔اُدھر کیسکو نے کوئٹہ وچ لوڈشیڈنگ دادورانیہ8 توں10گھنٹے کردتا جد کہ تربت، سبی، نصیر آباد تے جعفر آباد سنے ضلعی ہیڈکوارٹر اں وچ 12 گھنٹے دی لوڈشیڈنگ کیتی جارہی اے۔