نیب ٹیم دا بحریہ ٹائون راولپنڈی دے آفس اُتے چھاپہ، دفتر سیل
راولپنڈی (بیورورپورٹ) قومی احتساب بیورو(نیب) سی ٹیم ولوں نجی ہاسنگ سوسائٹی (بحریہ ٹائون) دے راولپنڈی آفس اُتے چھاپہ ماریا گیا اے۔نیب تے پلس دی ٹیم نے بحریہ ٹائون راولپنڈی دے فیز2آفس وچ چھاپہ ماریا، چھاپہ القادر ٹرسٹ یونیورسٹی دا ریکارڈ حاصل کرن لئی ماریا گیا، نیب ٹیم نے عملے توں پچھ گچھ کیتی۔نیب ولوں ہاوسنگ سوسائٹی دا دفتر سیل کردتا گیا اے۔بحریہ ٹائون دے دفتر اُتے نیب ٹیم دے چھاپے ویلے پلس دی بھاری نفری دے علاوہ ایلیٹ فورس وی موجود سن، جنہاں نے چھاپے ویلے بحریہ ٹائون جان والے ساریاں رستیاں نوں مکمل سیل کر دتا سی۔
