یکم جون توں پیٹرول ہور سستا ہون دا امکان

اسلام آباد(بیورورپورٹ) یکم جون توں آئندہ 15 دناں لئی پیٹرول دی فی لیٹر قیمت ساڑھے 5 روپے گھٹن دی توقع اے۔ذرائع مطابق ڈیزل دی فی لیٹر قیمت وچ 4 روپے 30 پیسے گھٹن دا امکان اے جدکہ لائٹ ڈیزل دی قیمت 5 روپے 8 پیسے تک گھٹن دی توقع اے۔مٹی دا تیل آئندہ 15 دناں لئی 2روپے 15 پیسے سستا ہون دا امکان اے۔ذرائع دا کہنا اے کہ عالمی مارکیٹ وچ خام تیل دی قیمت گھٹ گئی اے تے خام تیل دی قیمت گھٹن دا فائدہ عوام نوں پہنچایا جائے گا۔اوگرا عالمی مارکیٹ دے تناسب نال ورکنگ 31 مئی والے دن حکومت نوں گھلے گا، قیمت بارے حتمی منظوری وزیراعظم شہباز شریف دین گے۔ وزارت خزانہ ولوں قیمتاں دا نوٹیفکیشن جاری کیتا جائے گا۔