عمران خان تھانہ شہزاد ٹائون وچ درج9مئی دے دوناں مقدمیاں توں بری

اسلام آباد(بیورورپورٹ)ڈسٹرکٹ اینڈ سیشن کورٹ اسلام آباد نے بانی پی ٹی آئی عمران خان نوں تھانہ شہزاد ٹائون وچ درج 9 مئی دے دوناں مقدمیاں توں بری کر دتا۔جوڈیشل مجسٹریٹ عمر شبیر نے عمران خان دی بریت دی درخواستاں اُتے محفوظ فیصلہ سنا دتا۔عدالت نے ناکافی شواہد دی بنیاد اُتے بانی پی ٹی آئی عمران خان نوں تھانہ شہزاد ٹائون دے دوناں مقدمیاں توں بری کر دتا۔یاد رہے کہ وکیل مرزا عاصم بیگ تے نعیم پنجوتھہ نے بانی پی ٹی آئی دی بریت اُتے دلائل دتے سن۔ایڈووکیٹ مرزا عاصم بیگ نے آکھیا کہ غیر مجاز شخص ولوں بانی پی ٹی آئی خلاف ایف آئی آر درج کرائی گئیاں سن، عمران خان اُتے 109 دا الزام عائد کیتا گیا مگر کوئی شواہد پیش نہیں کیتے جا سکے۔