پاکستان اَتگردی تے انتہا پسندی نوں ختم کرن لئی پُرعزم اے،خواجہ آصف

اسلام آباد(بیورورپورٹ)وزیردفاع خواجہ آصف داکہنا اے کہ پاکستان اَت گردی تے انتہا پسندی نوں ختم کرن لئی پرعزم اے۔وزیردفاع خواجہ آصف نے اسلام آباد وچ انسداد شدت پسندی سیمینار نال خطاب کر دیاں ہویاں آکھیاکہ شدت پسندی پاروں معیشت تے قیمتی جاناں ضائع ہویاں تے اوس نے متاثرہ ملک دے سوشل فیبرک نوں وی بری طرح متاثر کیتا، ایہ صورتحال نویں سٹریٹجک اپروچ اپنان دی منگ کردی اے تاکہ شدت پسندی نال نمٹیا جاسکے۔اونہاں نے آکھیا کہ پاکستان نے انتہا پسندی پارون بہت نقصان چُکے، پاکستان اَت گردی خلاف جنگ لڑرہیا اے تے ایس نوں اَت گردی انے بوہت سارے چیلنجاں دا سامنا اے ، پاکستانی فوج نے اَت گردی خلاف جنگ وچ بے پناہ قربانیاں د تیاں نیں، اَت تگردی ختم کرن لئی کامیابی نال نیشنل ایکشن پلان اُتے عمل کیتاگیا۔