وزیراعظم نال گورنر خیبر پختونخوا دی ملاقات، صوبے دے مسائل اُتے سوچ وچار

اسلام آباد(بیورورپورٹ)وزیراعظم شہباز شریف نال گورنر خیبر پختونخوا فیصل کریم کنڈی نے ملاقات کیتی اے ،اسلام آباد وچ وزیراعظم شہباز شریف تے گورنر خیبر پختونخوا فیصل کریم کنڈی دے وچکار ہون ہون والی ملاقات وچ صوبے دی سیاسی صورتحال تے مسائل اُتے تبادلہ خیال کیتا گیا۔ملاقات دے بعد میڈیا نال گل بات کر دیاں ہویاں گورنر خیبرپختونخوا فیصل کریم کنڈی نے آکھیا کہ وزیراعظم نال کے پی وچ بجلی تے گیس دی لوڈشیڈنگ اُتے گل بات ہوئی، چشمہ رائٹ کینال لئی وی رقم رکھن دی سفارش کیتی اے، سوئچ آن یا آف کرن نال مسائل حل نہیں ہُندے۔اونہاں نے آکھیا کہ وزیراعلی خیبر پختونخوا توں آکھیا اے کہ سارے مسائل مذاکرات تے دلائل نال حل کرنا ہون گے، لڑائی نال کجھ حاصل نہیں ہندا، مل کے ہی کم کراں گے تے مسائل حل ہوسکدے نیں۔اونہاں دا کہنا سی کہ علی امین گنڈاپور نے میری گل سنی تے وزیرداخلہ نال ملاقات کیتی، صوبے دا حال سوشل میڈیا اُتے کجھ ہور حقیقت وچ کجھ ہور اے، صوبے وچ امن وامان دی صورتحال ٹھیک نہیں، وزیر اعلی توں آکھاں گا ایس اُتے دھیان د ین۔