وزیر اعلی پنجاب نے وادی سون دے جنگل وچ اگ دی رپورٹ منگ لئی
لہور(پنجابی میڈیا)وزیر اعلی پنجاب مریم نواز شریف نے وادی سون دے جنگل وچ خوفناک اگ دی رپورٹ منگ لئی اے۔تفصیل دے مطابق وادی سون سکیسر توںملحقہ پہاڑی جنگل وچ پچھلے دناں اچانک اگ لگ گئی، اگ کئی کلومیٹر اُتے پھیل چکی جس اُتے تاحال قابو نہ پایا جا سکیا، آئے دن پہاڑی جنگل وچ لگن والی اگ نال ہزاراں درخت سڑ کے راکھ ہو چکے نیں، محکمہ جنگلات دا چوکیدار اگ بجھا ندیاں ہویاںسڑ کے جاں بحق ہوگیا، ملازم رضا شاہ دی میت نوں ٹی ایچ کیو ہسپتال منتقل کر دتا گیا۔دُوجے پاسے وزیر اعلی پنجاب مریم نواز شریف نے وادی سون جنگلات وچ خوفناک اگ اُتے رپورٹ منگ دیاں ہو یاں شہید ہون والے چوکیدار سید غلام رضا نوںخراج عقیدت پیش کیتا تے اونہاں دے گھر دیاں نال دلی ہمدردی ظاہر کیتی۔
