ججاں دی حق گوئی اُتے سلام، عمران خان چھیتی ساڈھے وچکار ہون گے،عمر ایوب

خانپور(بیورورپورٹ)قومی اسمبلی وچ اپوزیشن لیڈر عمر ایوب خان نے آکھیا اے کہ وفاقی حکومت خیبرپختونخوا وچ لوڈشیڈنگ ذریعے ووٹ نہ دین دابدلہ لے رہی اے۔عشائیے نال خطاب کردیاں ہویاں اپوزیشن لیڈر عمر ایوب خان نے آکھیا کہ اسیں خانپور وچ بجلی تے سوئی گیس دی مد وچ 14 ارب دے ترقیاتی کم کروائے، واپڈا حکام نوں اپنے چیمبر وچ بلا کے بجلی دی لوڈشیڈنگ بارے دریافت کیتا، واپڈا ذمہ داراں دے کول کوئی جواب نہیں سی۔اونہاں نے ہورآکھیا کہ فقط بہانے سنن نوں ملے، خیبرپختونخوا پورے ملک نوں بجلی فراہم کردا اے، صوبے دے نال سوتیلی ماں جیہا سلوک ہو رہیا اے، محسن نقوی نے اپنے کمیشن خاطر کنک درآمد کرن لئی 4سو ارب ریلیز کروا لئے، آزاد کشمیر دے لوکاں نوں3 ارب نہیں دے سکے۔عمر ایوب نے آکھیا اے کہ میں اج انسداد دہشتگردی عدالت وچ پیش ہویا، میرے اُتے فقط پنڈی شہر وچ لاتعداد جھوٹے مقدمے درج نیں۔