محسن نقوی دی میئر لندن نال ملاقات، باہمی دلچسپی دے امور اُتے تبادلہ خیال
لندن(نیوزڈیسک)وفاقی وزیرداخلہ محسن نقوی نے لندن دے میئر صادق خان نال ملاقات کیتی اے جس وچ باہمی دلچسپی دے امور تے سیاسی صورتحال اُتے تبادلہ خیال کیتا گیا۔ملاقات وچ کرکٹ بارے خاص طور اُتے گل بات ہوئی جدکہ وفاقی وزیر داخلہ محسن نقوی نے میئر لندن صادق خان نوں پاکستان دے دورے دی دعوت وی دتی۔واضح رہے کہ برطانیہ وچ پاکستانی ہائی کمشنر ڈاکٹر محمد فیصل تے پاکستان وچ برطانیہ دی ہائی کمشنر جین میریٹ وی ایس موقع اُتے موجود سن۔
